ဗုဒ္ဓဘာသာဝင်တို့ သိမှတ်စရာ

ဗုဒ္ဓဘုရားရှင်

အနန္တစကြဝဠာ သတ္တဝါအားလုံးတို့အား အမှန်ကိုသိမြင်စေရန် နှင့် ဥာဏ်အလင်းကိုထင်ရှားစွာ ရရှိကြရန် ပြသလမ်းညွှန်ပေးပြီး၊ အကြီးမားဆုံးသော မေတ္တာနှင့် ဂရုဏာ ထားတော်မူသော သဗ္ဗညုတ (အလုံးစုံသိမြင်တော်မူသော) ဥာဏ်တော်ရှင်။

ဗုဒ္ဓဘာသာဝင်ဟူသည်

ရတနာသုံးတန် နှင့် ကံ ကံ၏အကျိုးကို ဥာဏ်နှင့်ယှဉ်၍ ကြည်ညိုမှုသဒ္ဓါ စွဲစွဲမြဲမြဲ နှစ်နှစ်ကာကာ ခိုင်မာနေပြီး၊ ဗုဒ္ဓ၏ အဆုံးအမများကို ဘဝလမ်းညွှန်အဖြစ် လိုက်နာခံယူကျင့်သုံး နေသူများပင်ဖြစ်သည်။

ဗုဒ္ဓသာသနာအနှစ်ချုပ်

သစ္စာလေးပါးသည် အနှစ်ချုပ်ဖြစ်သည်။
(က) သိ = ဒုက္ခသစ္စာ
(ဖောက်ပြန်၊ နှိပ်စက်၊ လိုတာမရ၊ ရတာ မလိုလို့  ဆင်းရဲခြင်း)
(ခ) ပယ် = သမုဒယသစ္စာ
(ဒုက္ခဖြစ်ပေါ်စေသောအကြောင်းတရား - လောဘ)
(ဂ) ဆိုက် = နိရောဓသစ္စာ
(ဒုက္ခသမုဒယချုပ်ငြိမ်းခြင်း - နိဗ္ဗာန်)
(ဃ) ပွား = မဂ္ဂသစ္စာ
(နိရောဓသို့  ဆိုက်ရန်ပွားသော မဂ္ဂင်ရှစ်ပါးအကျင့်)

ဗုဒ္ဓဘာသာအိမ်တိုင်း၌ ရုပ်ပွားဆင်းတု ထားရှိကိုးကွယ်ခြင်း

(က) ရုပ်ပွားဆင်းတု ပူဇော်ပုံ

အိမ်တစ်အိမ်တွင် မြတ်ဗုဒ္ဓ၏ ရုပ်တုကို ပင့်ယူပူဇော်မည်ဆိုလျှင် ရှေးဦးစွာ ရုပ်တုတော်ကို အနေကဇာတင်ရမည် ဖြစ်ပါသည်။
မြတ်ဗုဒ္ဓဂုဏ်တော်ကို အနေကဇာတင်ပြီး ပူဇော်ကိုးကွယ်လိုလျှင် ဂုဏ်တော်ကိုးပါးကို လေးစားသည့်စိတ်နှင့် ဆွမ်းတော်ပွဲကို စနစ်တကျ ကပ်လှူပူဇော်ရပါမည်။ ထို့အတူ ပန်း၊ ရေချမ်း၊ ဆီမီးကိုလည်း ဤကဲ့သို့ပင် ကပ်လှူပူဇော်ရပါမည်။ ထိုသို့ ကပ်လှူပူဇော်ရာတွင် မြတ်စွာဘုရားအား မိမိတို့၏ စားဦးစားဖျားများ ကပ်လှူပူဇော်ခြင်းကို မြတ်စွာဘုရားထံစိတ်ရောက်ပြီး လှူဒါန်းခြင်းဟု မှတ်ယူထားရပါမည်။

(ခ) ရုပ်ပွားဆင်းတု ပူဇော်ရသည့် အကျိုး

မြတ်စွာဘုရား၏ ရုပ်ပွားဆင်းတုတော်ကို ပူဇော်ရှိခိုးကြသည့် သူများမှာ “သက်တော်ထင်ရှားမြတ်စွာဘုရားပါတကား “ ဟု ဂုဏ်တော်ကိုးပါးကို စိတ်ရောက်ပြီးကြသူများ ဖြစ်ကြပါသည်။ ထို့ကြောင့် ရုပ်ပွားဆင်းတုတော် ကိုးကွယ်ကြသူများ၏ စိတ်သည် အချုပ်ဖြစ်သည်။ မိမိစိတ်သည် စွမ်းလျှင်မိမိအား အကျိုးပေးစွမ်းမည်သာ ဖြစ်ပေသည်။ ဤကဲ့သို့ ပူဇော်ကိုးကွယ်ကြမည်ဆိုလျှင် “ သမေ စိတ္တေ သမံ ဖလံ” ဆိုသည့် ဘုရားဟောပါဠိတော်အရ အကျိုးထူးများ ရရှိနိုင်ပါသည်။
“ စိတ္တေ - မိမိ၏ စိတ်သည်၊ သမေ - သက်တော်ထင်ရှား မြတ်စွာဘုရားနဲ့ ရုပ်တုဆင်းတုတော်နဲ့ အညီအမျှ ထားနိုင်သည်ရှိသော်၊ သမံ ဖလံ - ဘုရားအစစ်ကို ပူဇော်ရ သကဲ့သို့ အကျိုးတရား အတူတူပင်ရရှိနိုင်ပါသည်။ “
မိမိတို့အိမ်တွင် ဗုဒ္ဓရုပ်ပွားဆင်းတုတော်များကို ဘုရားစင်နှင့် ကိုးကွယ်ထားခြင်းအားဖြင့် ဖော်ပြလတ္တံ့ပါ အကျိုးကျေးဇူး (၉) မျိုးကို ရရှိပါသည်----
(၁) ဘုရားစင်ရှိသည့်အတွက် ဘုရားကိုမြင်နေရခြင်း၊ ဘုရားဝေယျာဝစ္စ ပြုနေရခြင်း၊ ဘုရားကို ကိုင်းညွှတ်သည့်စိတ်ဖြင့် မမေ့ခြင်းနှင့် ဘုရား တရားနှင့် ကင်းကွာမနေခြင်းပင် ဖြစ်သည်။
(၂) မြတ်စွာဘုရားကို ဖူးတွေ့ရခြင်းဖြင့် ဗုဒ္ဓဘာသာအပေါ် ပို၍ ယုံကြည်မှု လေးနက်လာသည်။
(၃) အိမ်တွင် ဘုရားစင်ရှိလျှင် စနစ်တကျဆည်းကပ် ကိုးကွယ်မှုပြုခြင်းဖြင့် သတိမြဲခြင်းနှင့် ပညာဥာဏ်ထက်မြက်ခြင်းများ ရှိလာသည်။
(၄) ကုသိုလ်တရားများ တိုးပွားလာသည်။
(၅) စိတ်ညစ်ညူးမှု ရှိလာလျှင် ဘုရားရှင်ရှေ့ တော်သို့သွားပြီး ဘုရားပန်း လဲခြင်း၊ မြတ်စွာဘုရားကို အသေအချာကြည့် အာရုံပြုလိုက်ခြင်းဖြင့် စိတ်ညစ်ညူးမှုများ ပပျောက်လာသည်။ အမှားအယွင်းများမပြုလုပ်မိတော့ဘဲ ရပ်တန်းမှရပ်ပြီး စိတ်ကြည်နူးမှု ချက်ချင်းရရှိလာပါသည်။
(၆) အိမ်တွင် ဘုရားစင်ရှိသဖြင့် နာနာဘာဝ ဝိနာဘာဝများ၏ အနှောင့်အယှက်များမှ ကင်းပြီး မကြောက်မရွံ့ နေနိုင်ပါသည်။
(၇) ဆင်းရဲဒုက္ခကို သည်းခံလာနိုင်ပါသည်။
(၈) ဘုရားစင်ကို ပိုးမျှင်ဖုန်များ ကင်းစင်အောင် လှည်းကျင်းသုတ်သင်ပြီး ကျကျနန ထားလျှင် အိမ့်ကျက်သရေ၊ လူ့ ကျက်သရေတက်ပြီး ဂုဏ်သိက္ခာများ တက်ပါမည်။
ဘုရားစင်ရှိသဖြင့် မြတ်စွာဘုရားနှင့် အတူပေါင်းသင်းနေရ သကဲ့သို့ ဖြစ်ပြီး သူတစ်ပါး၏ ချီးမြှောက်ပူဇော်မှုကို ခံယူရရှနိုင်ပါသည်။

ဗုဒ္ဓမြတ်စွာဟောကြားခဲ့သော ကေသမုတ္တိသုတ် (သို့) ကာလမသုတ်၏ အနှစ်ချုပ်

ဘုရားရှင်သည် နယ်စပ်ရွာကြီးတစ်ရွာဖြစ်သော ကေသမုတ္တိရွာကြီးသို့ ရောက်ရှိခဲ့စဉ် ၎င်းရွာကြီးတွင် ဘုရားရှင်အရှေ့ဦးစွာ တတ္ထိပုဂ္ဂိုလ် (၆) ဦးမှ ငါဟောတာယုံ၊ သူများပြောတာမယုံနဲ့ဆိုပြီး မှားယွင်းသော အယူဝါဒများစွာကို ဟောကြားခဲ့ပြီးဖြစ်လို့ ရွာသားများအားလုံး အယူဝါဒနဲ့ ပတ်သက်ပြီး တွေဝေနေကြသောအချိန်တွင် ဘုရားရှင်မှ ကေသမုတ္တိသုတ် ကို ဟောတော်မူခဲ့သည်။
၎င်းသုတ္တန်သည် ယနေ့ကမ္ဘာပေါ်တွင် ရှိသမျှသော အတွေးအခေါ်ပညာရှင်ကြီးများအားလုံးမှ အထူးလေးစားဆုံးနှင့် ချီးမွမ်းရဆုံးသော သုတ္တန်တစ်ခု ဖြစ်ခဲ့ပြီး---
(၁) The Bravest Announcement
အရဲရင့်ဆုံးသော ကြွေးကြော်သံ
(၂) The Freedom of Thought
အတွေးအခေါ် ပိုင်းဆိုင်ရာ လွတ်လွတ်လပ်လပ် တွေးနိုင်ခြင်း ဖြစ်ကြောင်း မှတ်တမ်းတင်ဂုဏ်ယူနေသော သုတ္တန်ဖြစ်ပေသည်။
၎င်းသုတ္တန်တွင် အချက် (၁၀) ချက် ကို ပြခဲ့ပြီး ၎င်း (၁၀) ချက်ကို အလွယ်တကူလက်ခံယုံကြည်ခြင်းမပြုဘဲ ခေတ္တထားပြီး သေချာစီစစ်ပြီးမှ ယုံရန်ဖြစ်သည်။
(၁) ဆင့် - တစ်ဆင့်စကားပြောလာသော စကားကို မယုံနဲ့အုံး၊
(၂) ကော - ကောလဟာလ စကားကိုလည်း မယုံနဲ့အုံး၊
(၃) စာ - စာအုပ်ထဲကပြောတိုင်းလည်း မယုံနဲ့အုံး၊
(၄) စဉ် - အစဉ်အလာ ဘိုးဘွားစဉ်ဆက် စကားကိုလည်း မယုံနဲ့အုံး၊
(၅) ကူး - ဟိုနည်းဒီနည်း နည်းကူးချပြီးလည်း မယုံနဲ့အုံး၊
(၆) တွေး - အတွေးကောင်းတိုင်း မှန်တယ်ဆိုပြီးလည်း မယုံနဲ့အုံး၊
(၇) ဆင် - ယုတ္တိများနဲ့ ဆင်ခြေပေးတိုင်းလည်း မယုံနဲ့အုံး၊
(၈) ငါ့ - ငါ့အယူဝါဒသာ မှန်တယ်ဆိုပြီးလည်း မယုံနဲ့အုံး၊
(၉) လေး - လေးစားကြည်ညိုထိုက်သောသူ ပြောတိုင်းလည်း မယုံနဲ့အုံး၊
(၁၀) ရာ - ငါ့ဆရာပြောတိုင်းလည်း အားလုံးမှန်ပြီလို့ မယုံနဲ့အုံး။
မည်သည့်အယူဝါဒဖြစ်စေ ကိုယ်တိုင်သာလျှင်သိအောင်လုပ်ကြ ကိုယ်တိုင် လက်တွေ့  လုပ်ကြည့်လျှင် မှား / မှန်၊ ဆိုး / ကောင်း ကို ကိုယ်တိုင်သိမြင်ပြီးမှ လက်ခံယုံကြည်ကျင့်သုံးကြရန် ဖြစ်ပေသည်။

ဆောင်ရန် နှင့် ရှောင်ရန်
(က) မိမိအကျိုးရှိ အများအကျိုးရှိ ဆိုလျှင် လုပ်ပါ။
(ခ) ပညာရှိသူတော်ကောင်းများက ချီးကျူးလျှင် လုပ်ပါ။

(က) ဆောင်ပါ
(၁) မိမိအကျိုးရှိ / အများအကျိုးရှိ (အကောင်းဆုံး)
(၂) အများအကျိုးရှိ / မိမိဘာမှမရှိ (ဒုတိယအကောင်းဆုံး)
(၃) မိမိအကျိုးရှိ / အများဘာမှမရှိ (တတိယအကောင်းဆုံး)

ရှောင်ပါ
(၁) မိမိထိခိုက် / အများလည်းထိခိုက် (အဆိုးဆုံး)
(၂) အများထိခိုက် / မိမိဘာမှမဖြစ် (ဒုတိယအဆိုးဆုံး)
(၃) မိမိထိခိုက် / အများဘာမှမဖြစ် (တတိယအဆိုးဆုံး)

(ခ) ပညာရှိသူတော်ကောင်းများက ချီးကျူးလျှင် လုပ်ပါ။ ကဲ့ရဲ့ လျှင် ရှောင်ပါ။ သူယုတ်မာများ၏ ကဲ့ရဲ့  မှုကို ဂရုစိုက်ရန် မလိုပါ။

ကြိုတင်ပြင်ဆင်ထားရန်
(က) ဆရာကောင်း အမြန်ဆုံးရှာပြီး မှန်တိုရှင်းသော နည်းလမ်းရအောင် ချဉ်းကပ်ပါ။ (သပ္ပူရိသူ ပနိသျှ)
(ခ) မိမိကိုယ်တိုင် နှလုံးသွင်းမှန်အောင် လေ့ကျင့်ပါ။ (ယောနိသော မနသိကာရ)