ကျေးဇူးကြီးလှမိနှင့်ဖ

‘‘မကောင်းမြစ်ထာ ကောင်းရာညျွှန်လတ် အတတ်သင်စေ ပေးဝေနှီးရင်း ထိမ်းမြားခြင်း‘‘ ဟူသော မိဘ၀တ္တရားတို့မှာ သားသမီးများ ၀မ်းကကျွတ်သည်မှစသော စောင့်ဂှောက်မှုများ ဖြစ်၏ ၊ ကိုယ်ဝန်သန္ဒေ လွယ်ရသည့်အချိန်မှစ၍ ကျေဇူး ပြုခဲ့ကြပုံကိုလည်း သိသင့်သည်။

အနန္တ ဂုဏ်ရည် သိမှတ်ဖွယ်ရာများ

ဘုရား ၊ တရား ၊သံဃာ ရတနာမြတ်သုံးပါးတို့၏ အနန္တ ကျေးဇူးဂုဏ်ကို အကျယ်ထပ်မံ ပြဆိုရန်မလိုပေ ၊ သက်ဆိုင်ရာ ဂုဏ်တော် အခန်းတို့၌ ပြဆိုခဲ့သည့်အတိုင်း အာရုံပြုလျက် ရှိခိုး ကန်တော့ရမည်။ ဆင်ခြင် အောက်မေ့ကာ ပွားများရမည်။

ဤ၌ မိဘနှင့် ဆရာသမားတို့၏ ဂုဏ်ကျေးဇူးကိုသာ ဆင်ခြင် နှလုံးသွင်း နိုင်ရန် ဖော်ပြပါမည်။ မိဘတို့၏ ကျေးဇူးကို `မြင်းမိုရ်တောင်ဦး မကကျူး ‘ဟု ပြောစမှတ် ပြုကြသော်လည်း ကျေးဇူးကို တကယ် သိ၍ ပေးဆပ်နိုင်သူကား ရှားလှပေ၏ ။

မိဘတို့ အသက်ထင်ရှား ရှိစဉ်အခါ ရာသီအလိုက် အ၀တ်အစား နေရာထိုင်ခင်း စီမံပေးခြင်း ၊ ခြေဆုပ်လက်နယ် ပြုပေးခြင်း ၊ မိဘတို့စကား နားထောင်ပြီး မိဘများ စိတ်ချမ်းသာအောင် နေထိုင်ပြခြင်း ၊ ခရီး ဝေးနီး သွားရန် ရှိသောအခါ ဦးချ ကန်တော့သွားခြင်း ၊ ပြန်လာလျှင်လည်း တန်ဖိုး နည်းများမဆို လက်ဆောင် ပစ္စည်း စားသောက်ဖွယ်ရာ များဖြင့် ဦးချ ကန်တော့ခြင်း ပြုလုပ်ဖော်ရလျှင်ပင် ကျေးဇူးကြွေး မကျေသော်လည်း မိဘတို့အဖို့ အားဆေးများ အသက်ရှည် ဆေးများ ပင်ဖြစ်ပေသည် ။ နေ့စဉ် အိပ်ရာဝင် အိပ်ရာထ ဦးချ ကန်တော့ခြင်း သည်လည်း ကျေးဇူး သိခြင်းပင် မည်၏ ။

အချို့ကား ” ပစ္စည်း ရှိလာမှ ထိုက်ထိုက်တန်တန် ကန်တော့မည် ” ဟု ယူဆ ထားကြ၏`။
မိမိမြှော်မှန်း သည့်အတိုင်း ပစ္စည်း ရှိလာသောအခါ မိဘတို့ ကွယ်လွန် ကြလေပြီ ၊ ပစ္စည်း ရှိမှသာ မိဘတို့အား ကျေးဇူး ဆပ်နိုင်သည် မဟုတ်၊ ရသမျှ ရှိသမျှနှင့် ယနေ့ ပြုစု ကျွေးမွေး ဖြစ်ဖို့က အရေးကြီး လေသည်။ အဇာတသတ် လိုပင် နောင်တ ကြီးစွာ ဖြစ်တတ်သည်။

လက်ဦးဆရာ

မိဘတို့သည် မိမိတို့ ရင်သွေးများ စကား မပြောတတ်မီ ကပင် သင်ပြ ပေးခဲ့ကြ၏။ သွားပုံ၊ လာပုံ ၊ လမ်းလျှောက်ပုံ၊ ဦးတော်လုပ်ပုံ ၊ အမေဖေခေါ်ပုံ မှစ၍ အရွယ်အလိုက် ပြောဆိုပြုမှု ပုံများကို ဘာမျှ လိုလေ သေးမရှိ၊ အကွက်စေ့အောင် သင်ပြပေးခဲ့ ကြရ သဖြင့် မိဘနှစ်ပါးကို ‘‘ လက်ဦးဆရာ ’’ဟုပင် မြတ်စွာဘုရား ဟောတော်မှုထားသည်။

သားသမီးများ အိမ်ထောင်ကျ သွားကြသော်လည်း အိမ်ခွဲရန် မလိုလား၊ မိဘရိုးရာ အလုပ်အကိုင်များကို လုပ်တတ်အောင်၊ အရင်းအနှီး စုဆောင်းမိအောင် မိမိတို့နှင့်အတူ ထားကာ သေသည့်နေ့အထိ သင်ပြ ပေးသွားကြလေသည်။ ကြက် သားပေါက်လေးများကို မိခင် ကြက်မကြီးသည် မိမိ တောင်ပံ နှစ်ဘက်ဖြင့် ထွေးပိုက်ကာ အမြဲတမ်း မိခင် မေတ္တာများ မွမ်းထုံပေးသကဲ့သို့ ရှိပေသည်။ ရှောင်တတ်၊ ယက်၍ အစာ ရှာတတ် အောင်လည်း သင်ပြပေး၏။
မိဘတို့မေတ္တာကားကြီးမားလှပေ၏ ။

ဗြဟ္မာနှင့်တူသောမိဘ

မြတ်စွာဘုရားက မိဘ များကို ဗြဟ္မာ နှင့်တူသော ပုဂ္ဂိုလ်များ ဟုလည်းဟောတော်မှုသည်။

ဗြဟ္မာဘုံ ၌နေသော ဗြဟ္မာ တို့သည် မေတ္တာ၊ ကရုဏာ၊ မုဒိတာ၊ ဥပေက္ခာ ဟူသော ဗြဟ္မ ၀ိဟာရ တရား လေးပါးနှင့် အမြဲ နေထိုင်ကြသည်၊ ထို့အတူ မိဘတို့ သည်လည်း ယင်း ဗြဟ္မစိုရ် တရားလေးပါး နှင့် နေကြသည်ဟု ဟောတော်မှု၏ ။မိဘများ နေပုံမှာ-

(၁) မိခင်သည် သားသမီးများ ကိုယ်ဝန် သန္ဒေတည် ရှိသောအခါ ပူစပ်ချဉ်ငန် အစား အသောက်ရှောင်ရခြင်း၊ အကုန်းအကွ အထိုင်အထ ဆင်ခြင်ရခြင်း၊ အလေးအပင် မထမ်းမရွက် ဆင်ခြင်ရခြင်း၊ ကိုယ်ဝန်သားငယ် ဒုက္ခဖြစ်စေမည့် အနေအ စားအားလုံး ဆင်ခြင်နေရခြင်း စသည်ဖြင့်`ငါ့သားသမီး ကလေး ချမ်းသာပါစေ ခြေလက်အင်္ဂါ ပြည့်ပြည့်စုံစုံနှင့် ချမ်းသာစွာ မွေးဖွားပါစေ’ ဟုချစ်ခြင်း မေတ္တာ စိတ်သည် အမြဲ ဖြစ်ပွားနေ၏။

(၂) မွေးဖွား လာသောအခါ တွင်လည်း သားသမီး ကလေး မျက်နှာမြင် ရသည်နှင့် ကိုးလလွယ် ဆယ်လဖွား ရသော အာဝေဏိက ဒုက္ခကြီးကိုပင် မေ့ပျောက် သွားရှာ၏ ။ မွေးဖွား ပြီးနောက် တအူဝဲ၀ဲ ငိုယိုကာ ထားသလိုနေရခြင်း၊ တစုံတရာ အခံခက်၍ နာကျင်၍ ဆာလောင်၍ နေသော်လည်း မပြောမဆိုတတ် ပက်လက် ကလေး ထားသည့်အတိုင်းပင် နေရပြီး တစာစာ ငိုကြွေးလျှင် မိခင်၏ နှလုံးသားတွင် သနားခြင်း ကရုဏာ စိတ်များ ဖြစ်ပွားရ ပြန်သည်။

(၃) သားသမီး ကလေးများ မှောက်နိုင် လှန်နိုင် ထိုင်နိုင် ထနိုင် သွားစပြုနိုင် ပြုံးရယ် စပြုနိုင်၊ စကား တီတီတာတာ ပြောနိုင်ဆိုနိုင် ချိုမိုင်မိုင် လုပ်နိုင်လာသော အခါ မိဘတို့ရင်၌ ဖြစ်ရသော ၀မ်းမြောက် ကြည်နူးမှု မုဒိတာ စိတ်မှာ ပြောဖွယ်ရာ မရှိပြီ။

မိဘကို မဆိုထားဘိ၊ ဘေးက မြင်တွေ့ရ သူများပင် ၀မ်းမြောက်၍ နေကြရ၏။ သားသမီးငယ်များ ကစား ပြေးလွှား၍ ကျန်းမာ ပျော်ရွှင်နေသည်ကို မြင်ရတိုင်း မိဘတို့နှလုံးသားတွင် မုဒိတာ တရား ဖြစ်ပွားရ၍ အရွယ်အလိုက် စာကြိုးစားခြင်း အလုပ် ကူညီလုပ်ခြင်း စသည်ဖြင့် သားသမီးတို့ လိမ္မာလျှင် လိမ္မာ သလောက်
မိဘတို့ဝမ်းမြောက်ရ၏။ ချမ်းသာရ၏ ။ အသက်ရှည်၏ ။ ထို့ကြောင့် သားသမီး တို့သည် မိဘတို့ အသက်ရှင်တမျှ ၀မ်းမြောက်ဝမ်းသာ ကျန်းမာချမ်းသာ၍ အသက်ရှည် စေရန် သားသမီး တို့က လိမ္မာ ပြကြဖို့ အရေးကြီး လှပေသည်။

(၄) သားသမီးများ အချိန်တန် အရွယ်ရောက်၍ အိမ်ထောင် ပြုကြသောအခါ ကိုယ့်အိုး ကိုယ့်အိမ် နှင့် နေထိုင် ကြသောအခါ `သြော် - ငါ့သား သမီးများ ကိုယ်စွမ်း ကိုယ်စဖြင့် နေထိုင်နိုင် ကြပေပြီ ’ ဟု လျစ်လျုပြု သောအားဖြင့် သင့်တင့် မျှတသော ဥပေက္ခာ စိတ်ထားကို ထားကြ လေသည်။ သား သမီးများနှင့် စပ်၍ တွယ်တာမှု (လောဘ)၊ ပူပန် စိုးရိမ် နေရမှု ၊ ကြောင့်ကြမှု (ဒေါသ) ဟူသော အစွန်း နှစ်ဘက်မှ လွတ်ကာ ဥပက္ခာ စိတ်ထားဖြင့် ငြိမ်းအေးကာ စိတ်ချ လက်ချ နေထိုင် သွားနိုင်ကြ၏ ။

မိခင်စိတ်

ဤ မျှတ၍ မြင့်မြတ်သော ဥပေက္ခာ အရသာကို ခံစား လိုသဖြင့် မျက်စိ မမှိတ်ခင် သား သမီးများကို အိမ်ထောင် လျာထား ချထား ပေးသွား ကြသည်လည်းရှိလေ သည်။ သားသမီးများအပေါ် သူစိမ်း တစ်ရံ ဆံတို့ ချစ်သည်၊ အကျိုး လိုလားပါသည်ဆို ခြင်းမှာ မိဘများ မှန်းသလောက်သာ ရှိပေသေး၏ ။ သားသမီးတို့ အပေါ်၌ ထားရှိသော မိဘတို့ မေတ္တာကား သေခါမှသာ ရပ်စဲတော့၏ ။ ထို့ကြောင့် သတ္တလောက၌ ‘‘မိခင်စိတ်’’ လောက်မြင့်မြတ်သော စိတ်မရှိပေ။ မြတ်စွာဘုရား ကလည်း သတ္တ၀ါတိုင်း အပေါ်မေတ္တာ ထားရန် ညွှန်ပြတော်မှုရာ၌ ထို မိခင်စိတ်ကို ဥပမာ ပေးတော်မှုခဲ့သည်။

သားသည် နွားမ ကြီးအား လှံဖြင့် ထိုးသတ်၍ မသေခြင်းမှာ နို့စို့နေသော နွားသားငယ် ပေါ်ထားသော ထိုသည့် မိခင် မေတ္တာကြောင့်ပင် ဖြစ်ပေသည်။

မဟာပထ၀ီ မြေကြီးသည် လည်းကောင်း၊ မဟာ သမုဒ္ဒရာ၊ မြင်းမိုရ်တောင်နှင့် အဇဋာ ကောင်းကင်ကြီး သည်လည်းကောင်း မိဘမေတ္တာနှင့် နှိုင်းစာလျှင် သေးငယ်ကျဉ်းကျုံ ၍သွားကုန်၏၊ မိဘ မေတ္တာသည် အနန္တ ဖြစ်သောကြောင့် ပေတည်း။


ဆပ်၍မကုန်သောကျေဇူး

လောက၌ ရွှေငွေ စသည် ကြွေးဆပ်လျှင် ကြွေးတင်သည့် အရေအတွက် အားလျော်စွာ ပေးဆပ်လို့ရ၏ ။ ကြွေးကျေ၏ ၊မိဘတို့မေတ္တာ ကား အနန္တ ဖြစ်၍မကျေနိုင်။ မကျေနိုင် မဆပ်လျှင် ကြွေးထပ်တင် ရန်သာရှိတော့သည်။

မြတ်စွာဘုရား ဟောတော် မှုသည်မှာ သားသမီး တို့သည် ကျေးဇူးရှင် မိဘနှစ်ပါး အားပခုံး တဘက်စီ၌ တင်ထား၍ အမြဲတမ်း မိဘ နှစ်ပါးအား အစာ ကျွေးမွေး ပေးခြင်း၊ ရေချိုး ပေးခြင်း၊ နင်းနှိပ် ပေးခြင်း၊ သိပ်ပေးခြင်း၊ မိမိတို့ ပခုံး ပေါ်၌ ကျင်ကြီး ကျင်ငယ် စွန့်သော်လည်း မငြူမစူ ပြုစု သုတ်သင် ပေးခြင်း စသည်ဖြင့် အနှစ် တစ်ရာ တိုင်တိုင် ပခုံး ထမ်း၍ ပြုစု လုပ်ကျွေး သော်လည်း ကျေးဇူးကြွေး မကျေနိုင်ဟုပင် ဟောတော်မူသည်။

အကောင်းဆုံး ကျေးဇူးဆပ်နည်း

‘ကျေးဇူးကြွေး မကျေနိုင်’ ဟု ဆိုသည်မှာ ကျေးဇူး ကြီမားပုံကို ပြဆို လိုခြင်းသာ ဖြစ်ပေ သည်။

မိဘနှစ်ပါး အသက် ထင်ရှားရှိစဉ် ပြဆိုခဲ့သည့် အတိုင်း ရာသီအလိုက် ကျွေးမွေး ပြုစု ပေးခြင်း၊ အထူးသဖြင့် အမွေခံ ထိုက်အောင် နေခြင်း ၊ မိဘနှစ်ပါး စိတ်ချမ်းသာအောင် သားသမီးတို့ လိုက်နာရမည့် ၀တ္တရား ငါးပါး နှင့်အညီ လိမ်လိမ်မာမာ နေပြခြင်း ၊ ကွယ်လွန် သွားကြသောအခါ တွင်လည်း မိဘနှစ်ပါးကို ရည်စူး၍ အလှူဒါန ပြုလုပ်ပြီး အမျှဝေခြင်း ပြုပေးလျှင်ပင် ၀တ္တရား ကျေပြီဟု ဆိုသင့်၏ ။

ကျေးဇူးရှင် မိဘ နှစ်ပါး တို့၏ ကျေးဇူး ကြွေးကို ပေးဆပ် ရာ၌ အကောင်းဆုံး နည်းကို မြတ်စွာ ဘုရား ဟောကြား ထားသည်မှာ တရားဖြင့် ကျေးဇူး ဆပ်ခြင်းပင် ဖြစ်၏ ။ တရားဖြင့် ကျေှးဇူး ဆပ်ခြင်းဆိုသည်မှာ-

(၁) ရတနာသုံးပါး မယုံကြည်သေးသော မိဘတို့အား ယုံကြည် လာအောင်၊ သရဏဂုံ မတည် သေးသော မိဘ တို့အား သရဏဂုံ တည်အောင် ဆောင်ရွက်ပေးခြင်း၊

(၂) အလှူဒါန အားနည်းသော မိဘတို့အား အလှူဒါန ပြုလုပ် ဖြစ်အောင် ဆောင်ရွက် ပေးခြင်း၊

(၃) စစ်မှန်သော ကိုယ်ကျင့် သီလ မရှိ သေးသော မိဘ တို့အား ကိုယ်ကျင့် သီလ စောင့်ထိန်း လာအောင် ဆောင်ရွက်ပေးခြင်း၊

(၄) အသိပညာ မရှိသေးသော မိဘတို့အား အသိပညာ ရှိအောင် ဆောင်ရွက် ပေးခြင်းတို့ ဖြစ်သည်။ အသိပညာ ဆိုရာ၌ ရတနာ သုံးပါးနှင့် စပ်သော အသိပညာ ၊ ၀ိပဿနာ ပညာ ၊ သစ္စာ မြင်သော ပညာများသည် အမြတ်ဆုံး ဖြစ်၍ ထိုပညာများ ဖြစ်ပွားအောင် စာဖတ်ပြခြင်း၊ တရားနာဖြစ်အောင်၊ တရား ထိုင်ဖြစ်အောင် ဆောင်ရွက် ပေးခြင်းများသည် ကောင်းဆုံး ကျေးဇူး ဆပ်ခြင်း ဖြစ်ပေသည်။

သားသမီးများ ကိုယ်တိုင်က သီလရှင်၊ ရှင်သာမဏေ ၊ရဟန်း ပြု၍ တရား အားထုတ်ခြင်း မိဘများအပေါ် မေတ္တာ ပွားများခြင်း များလည်း မိဘ နှစ်ပါးအား သာသနာ့ အမွေခံ စေ၍ တရားဖြင့် အကောင်းဆုံး ကျေးဇူး ဆပ်ခြင်း ဖြစ်သည်။

အရှင်သာရိပုတ္တရာသည် မိစ္ဆာ အယူရှိသော မိခင်အား၊ သမာ အယူရှိအောင် ဆောင် ရွက်ပေးခြင်း၊ မြတ်စွာဘုရား သည်ပင် မယ်တော် တော်စပ် ဖူးသော သန္တုသိတ နတ်သားအား အဘိဓမ္မာ တရား ဟောကြား ခြင်းဖြင့် အကောင်းဆုံး မွေကျေးဇူး ပေးတော်မှု သွားကြလေသည်။

ဤမျှ ကျေးဇူး ကြီးမား လှသောကြောင့် မိဘလုပ်ကျွေး ကျေးဇူး ဆပ်၍ ချမ်းသာ ကြီးပွားသော ဖြစ်ရပ် များကို များစွာ ဟောတော်မှု ထားသည်။မိဘတို့အား စိတ်ဆင်းရဲအောင် လုပ်၍၊ တမင် ပြစ်မှား၍ ယခု ဘ၀ မှာပင် ဆင်းရဲရ သူများ၊ မြေမျို ခံရသူများ၊ နောက်ဘ၀တွင် ငရဲ ကျသူများလည်း များလှလေပြီ။ အရှင်မဟာမောဂ္ဂလာန် မထေရ်မြတ်ကြီး သော်မှပင် နုစဉ်ဘ၀က မိုက်မဲသော မယား စကား နားထောင်မိ၍ မိဘ နှစ်ပါးကို ရိုက်နှက် မိသော ကံကြောင့် ခိုးသားရိုက် နှက်ခံရ၍ ပရိနိဗ္ဗန် ပြုတော်မှု ရရှာသည်။

စာရေးသူမှတ်ချက်

ကျွန်တော့်ရဲ့ ဓမ္မ မိတ်ဆွေ များလည်း ဤစာကို ဖတ်၍ မိဘ ကျေးဇူး ကို ဆပ်နိုင် ကြပါစေ။ နောင်ဘဝ မဆိုင်းပဲ ယခု ဘဝ၌ ပင်လျှင် အကျိုးများစွာ ရရှိ ခံစားနိုင်ကြပါစေသော်...