“ အိမ်ထောင်ဦး ဘုရားတည်၊ ဆေးမင်ရည် စုတ်ထိုး၊ သည်သုံးမျိုး ချက်မပိုင်လျှင်၊ နောင်ပြင်ရန် ခက်ခဲကြုံလိမ့် “ ဟူသော စကားသည် ယောက်ျား နှင့် မိန်းမ နှစ်ဦးစလုံးအတွက် သက်ဆိုင်ပေသည်။
သို့သော် အိမ်ထောင်ဦး ဟူသော စကား၌ အိမ်ထောင်ပြုကြရာတွင် ယောက်ျား နှင့် မိန်းမ မတူကြပါ။ ယောက်ျား နှင့် မိန်းမကြား တစ်သက်တာ အတိုင်းအဆမဲ့ ရင်းနှီးစွာ တာဝန်ယူနိုင်ရန် တစ်ယောက်ကို တစ်ယောက် အပြန်အလှန် ကတိသစ္စာဖြင့် လက်ထပ်ခြင်း ဖြစ်သော်လည်း လက်ထပ်ခြင်းအပေါ် ယူဆမှု ခြားနားပါသည်။
ယောက်ျားသည် မိန်းမကို မိမိ၏ ကိုယ်ပိုင် ပစ္စည်းများအနက် ပစ္စည်းအသစ်တစ်ခုအဖြစ် ရည်ရွယ်ပြီး မိန်းမသည် ယောက်ျားကို မိမိအား အကာအကွယ်ပေးမည့် ကောင်းကင်သစ်တစ်ခုအဖြစ် ရည်ရွယ်ခြင်း ဖြစ်သည်။
ထို့ကြောင့် မိန်းကလေးများသည် လက်မထပ်မီကပင် “ ဘုန်းတိုးသူ ယောက်ျားဟုတ်၊ မဟုတ် သိရှိ ရပေမည် “။
“ မိုးသောက်နေပေါ်၊ ကျူးကျော်အိပ်ခြင်း၊ ပျင်းရိကြမ်းကြုတ်၊ သောက်ထုတ်သေစာ၊ ဝေးမြေတာသို့၊ သွားလာကိုယ်ထူး၊ အိမ်ရာကျူးဟု၊ ခြောက်ဦးပုဂ္ဂိုလ်၊ စည်းစိမ်တို၍၊ ပျက်ပြိုး နွမ်းညှိုး၊ ဘုန်းမတိုးဟု …ဟူသော မဃဒေဝ လင်္ကာ ပုဒ်ရေ ၂၄၂ အရ…
(၁) မိုးသောက်၊ နေထွက် အိပ်စက်သူ၊
(၂) အပျင်းကြီးသောသူ၊
(၃) ရက်စက် ကြမ်းကြုတ်သောသူ၊
(၄) ဝေးမြေ ရပ်ခြားသို့ တစ်ဦးတည်း သွားတတ်သူ၊
(၅) အရက်သေစာ သောက်စား မူးယစ် တတ်သူ၊
(၆) သူတစ်ပါးအိမ်ရာ ကျူးလွန်တတ်သူ၊
ခြောက်ဦးကို လက်ထပ်မိသော အမျိုးသမီးများသည်လည်း ဘုန်းကံ တိုးတက်လိမ့်မည် မဟုတ်ပေ၊ အမျိူးသမီးတို့၏ ဘုန်းတန်ခိုး တိုးတက်မှုသည် ယောက်ျားတို့ အပေါ်၌ တည်မှီနေသောကြောင့် ဖြစ်သည်။
အိမ်ထောင်ပြုခြင်းဆိုသည်မှာ ယောက်ျားများက သူတို့၏ လွတ်လပ်မှုကို လောင်းကြေးအဖြစ် ထား၍ မိန်းမများက သူတို့၏ ပျော်ရွှင်မှုကို လောင်းကြေးအဖြစ် ထားရသော အလောင်းအစားတစ်ခု ဖြစ်သည်။
မည်သည့် မိန်းကလေးမဆို သူမတို့၏ ပျော်ရွှင်မှုကို မဆုံးရှုံးလိုကြပါ၊ အိမ်ထောင်သည် ဘဝတိုင် ဆက်လက် တည်မြဲလိုကြသည်။ ထိုပျော်ရွှင်မှုမျိုးသည် စိတ်၏ချမ်းသာခြင်း၊ ကိုယ်၏ချမ်းသာခြင်း နှစ်မျိုးပြည့်စုံမှသာ ရှိနိုင်ပေသည်။
ထို့ကြောင့် “ မဆင်မခြင် အိမ်ထောင်ကျ၊ နောက်မှ နောင်တရ “ မဖြစ်ကြလေအောင် “ ပါသုံးပါ၊ ချာသုံးချာ၊ ကွာသုံးကွာ အိမ်ထောင်မှု၊ မပြုရှောင်လေပါ “ ဟု ဆိုချင်ပါသည်။
“ ပါသုံးပါ “ ဆိုသည်မှာ -
(၁) ကြွေးများ ပါလာသူ၊
(၂) ရောဂါများ ပါလာသူ၊
(၃) အပိုစားမည့်သူ ပါလာသူ၊
“ချာသုံးချာ “ ဆိုသည်မှာ -
(၁) ပညာအရည်အချင်း နုံချာသူ၊
(၂) အလုပ်အကိုင် နုံချာသူ၊
(၃) အကျင့်စာရိတ္တ နုံချာသူ၊
“ ကွာသုံးကွာ “ ဆိုသည်မှာ -
(၁) နိုင်ငံ၊ လူမျိုး၊ ဘာသာ ကွာခြားသူ၊
(၂) အယူဝါဒချင်း ကွာခြားသူ၊
(၃) စိတ်နေသဘောထားချင်း ကွာခြားသူ
ဟူ၍ ဖြစ်ကြသည်။
(၁) သုညဘဝက စရမည်ကို မကြောက်သော သူသည် ယောက်ျားကောင်း တစ်ယောက် ဖြစ်နိုင်သော်လည်း မိမိလက်ထပ်မည့် ယောက်ျားသည်ကြွေးများ ထူလျက် အနုတ်လက္ခဏာက စရမည်ဆိုလျှင် သင်တို့၏ ပျော်ရွှင်မှု လောင်းကြေးသည် အနိုင်ရတော့မည် မဟုတ်ပေ။
(၂) “ အိပ်(ခ်ျ) အိုင်ဗွီ၊ အေအိုင်ဒီအက်(စ်) “၊ ကာလသားရောဂါ နှင့် အဆုတ်ရောဂါစသော ကူးစက်တတ်သည့် ရောဂါများရှိနေသည့် ယောက်ျားတစ်ယောက် နှင့် လက်ထပ်မည်ဆိုလျှင် ထိုရောဂါများသည် သင်တို့ဆီသို့ အနှေးနှင့်အမြန် ဆိုသလို ကူးစက်တော့မည်၊ မွေးလာမည့် သားစဉ်၊ မြေးဆက်သည်လည်း လူစဉ် မမီနိုင်တော့ချေ၊ လင်က ရောဂါရှိ၊ ထိုရောဂါက သင့်ကိုကူး၊ သား, သမီးများမှာ ရောဂါရ၊ ထိုအခါ နှလုံးသားထဲကလာသော ပျော်ရွှင်မှုမျိုး သင့်မှာ ရှိနိုင်မည် မဟုတ်ပေ။
(၃) မိမိ အိမ်ထောင်စု၏ အကျိုးကို လုံးဝ မပြု၊ စားရုံသက်သက်သာ ယောက်ျားဘက်က အပိုတစ်ယောက် ပါလာခဲ့လျှင် ရင်ထဲက လာသည့် လှိုက်လှဲသောအပြုံးများ နေ့စဉ် ပျောက်ကွယ်တော့မည်။
(၄) ကုန်ရောင်း / ကုန်ဝယ် လုပ်မည့် ကြံတော့ တွက်ရေးက မတတ်၊ ငါးရာကျပ်တန်နှင့် ငါးဆယ်ကျပ်တန် မခွဲတတ်။
(၅) ကာယကို ရင်းမည့် ကြံတော့ ပေါက်ချွန်း နှင့် ပေါက်ဆိန် ကွဲပြားစွာ မသိ၊ ထိုကဲ့သို့သော ယောက်ျားမျိုးကို ယူလျှင် သင်သာ အိမ်ထောင်ဦးစီး ဖြစ်တော့မည်။
(၆) အရက်သောက်၊ ဖဲရိုက်၊ မိန်းမပွေ စသည့် မကောင်းမှုမှန်သမျှ အကုန်လုပ်နေသောသူအား “ သင်က ကောင်းမှုမြတ်နိုးခဲ့လျှင် “ လက်ထပ်ဖြစ်ခဲ့သည်ရှိသော် သဘောမနော ကြည်ဖြူစွာနှင့် ဘဝခရီးလမ်း ဖြောင့်တန်းစွာ လျှောက်လှမ်းနိုင်မည် မဟုတ်ပေ။
တူနှစ်ကိုယ် တဲအိုပျက်မှာ ထမင်းရည်ကို အတူလျက်နိုင်သည်မှာ ချစ်သူတို့ သဘာဝ ပြောဆိုကြသော်လည်း ပုံမှန် စားဝတ်နေရေးတို့မှ ဖြည့်ဆည်း မပေးနိုင်လောက်အောင် ဆင်းရဲ၊ နုံ့ချာလှသောသူနှင့် ဘဝတစ်သက်တာ အတူနေရမည့် သင်၏ ပျော်ရွှင်မှု သုခ အတိုင်းအတာ အင်မတန် နည်းပေလိမ့်မည်။
(၇) အမိတိုင်းပြည်၊ မိမိမွေးရပ်မြေ၊ အဖေ၊ အမေ၊ ဆွေမျိုးသားချင်းများ စသည်တို့ကို စွန့်ခွာပြီး နှလုံးသား ဘာသာမဟုတ်၊ အတတ်ပညာဘာသာ နှင့် ပြောဆို ဆက်ဆံရသော တိုင်းတစ်ပါးသားနှင့် အတူ နေရမည်ဆိုလျှင် သင်၏ သုခသည် ရုပ်ပိုင်းဆိုင်ရာသာ ပြည့်စုံကောင်း ပြည့်စုံပေမည်။
(၈) ငြိမ်းအေး သာယာမှုချမ်းသာအစစ်ကို ပေးနိုင်စွမ်းသော ဗုဒ္ဓအရိပ်အာဝါသမှ ထွက်ခွာပြီး အယူအဆမှားကို ယုံကြည် ကိုးကွယ်ရမည် ဆိုလျှင် သင်၏ နောက်ဘဝအတိုင်းအတာကို တွေးတောကြည့်လိုက်ပါ။
(၉) အရာရာတိုင်း အယူအဆချင်း မတူသူ၊ စိတ်နေသဘောထားချင်း ကွာခြားသူနှစ်ယောက် မျက်နှာချင်းဆိုင် နေနိုင်ရန် လွယ်ကူမည် မဟုတ်၊ ဝိရောဓိအသွင် အမြဲ ဆောင်နေ၍ စိတ်ချမ်းသာမှုလည်း အမြဲ ကင်းဝေးနေလိမ့်မည်။
ထို့ကြောင့် အထက်မှ အချက် ၉-ချက်တွင် တစ်ခုခုနှင့် ကိုက်ညီသူ၊ အထူးသဖြင့် နံပါတ် “ ၇၊ ၈၊ ၉” နှင့် ကိုက်ညီသူတို့ကို လက်ထပ်ရန် မသင့်ပေ။
ထို့ပြင် “ လင်ဆိုးမယား တဖားဖား “ “ ကုန်ရှုံးတစ်ခေါက်၊ လင်ကုန်ရှုံး တစ်သက်လုံးမှောက် “ စသည်တို့ကို မဖြစ်ရလေအောင် အောက်ပါ ရှောင်ရန် အချက် ၅- ချက်ကို ထပ်မံ၍ လိုက်နာလိုက်ပါ။
(၁) ပညာသင်ရမည့် ကျောင်းသားအရွယ် ပညာမသင်ဘဲနှင့် ပြင်ပ အပျော်အပါးများတွင် အချိန်ကုန်ကာ ရုံးပြင်ကနား ပေါက်ပေါက်ရောက်ရောက် မရှိ၊ ပင်ပန်း ဆင်းရဲစွာ မကောင်းသော အသက်မွေးဝမ်းကျောင်း ပြုသည့် ယဉ်ကျေးသိမ်မွေ့ မှု မရှိသော လူစွမ်းလူစ တုံးသူကို ရှောင်ပါ။
(၂) ရာထူးဂုဏ်သိန် မှေးမှိန်ပြီး ဝန်ထမ်းမည်ကာမျှဖြင့် အသက်မွေးဝမ်းကျောင်း ပြုလျက လာဘ်စားခြင်းဖြင့် လုပ်ငန်းခွင် ပြင်ပမှ မရိုးသားစွာ ငွေရှာသူ၊ လူပွေ လူတေကို ရှောင်ပါ။
(၃) နေ့ရော ညပါ အရက်သေစာ သောက်စားလျက် အရပ်ကို အားမနာ၊ သံသေးသံကြောင် သီချင်းဆိုပြီး မူးရူး ဆူဆဲ၊ ကြက်တိုက်၊ ဖဲရိုက်ခြင်းဖြင့် အချိန်ကုန်ပြီး အလုပ်အကိုင် အတိအကျ မရှိသူကို ရှောင်ပါ။
(၄) အေး၊ ပူ၊ စော၊ မိုးချုပ်၊ ဗိုက်ပြည့်၊ ထမင်းဆာ အကြောင်းမျိုးမျိုး ပြလျက် အလုပ်အကိုင် ကြိုးစားခြင်းမရှိ၊ ကံပေးလျှင် ချမ်းသာမည် ဟူ၍ ကံကိုသာ ရိုးမယ်ဖွဲ့ နေသူကို ရှောင်ပါ။
(၅) ကျောင်းကန် မသွား၊ ရွာမူ ရပ်မူ ဘာမှ မဆောင်ရွက်၊ လူထဲသူထဲ မဝင်၊ တောထဲမှာပျော်၊ အမဲလိုက်၊ ငါးမျှားလျက် အချိန်ပြည့် အချိန်ဖြုန်းနေသူကို ရှောင်ပါ။
သင် အရွေးမမှားပါစေနှင့်၊ သင်၏ ဂုဏ်သိက္ခာကို သင်ရွေးချယ်သော ယောက်ျား၏ အရည်အချင်း အမူအကျင့်တွေနှင့် ပေါင်းပြီး ဆုံးဖြတ်ခံရမှာ ဖြစ်သည်။
သင်တို့ အမျိုးသမီးများကို -
(၁) မိခင်စိတ်၊
(၂) လုံခြုံစိတ်ချစိတ်၊
(၃) အချစ်စိတ်၊
(၄) ဖန်တီးလိုစိတ်၊
(၅) လိင်ကိစ္စ ခွင့်ပြုချက်
စသည် စိတ်အခြေအနေ ၅-မျိုးသည် လက်ထပ်ဖြစ်ရန် ဖန်တီး လာပါလိမ့်မည်။ ထိုအခါ အထက်ဖော်ပြပါ အချက်များကို သိရှိ နားလည် လက်ခံ၍ ကိုယ်, စိတ်နှစ်ပါး ချမ်းသာမည့် နေရာတွင် နားခိုကြပါဟု တိုက်တွန်းလိုက်ပါသည်။
စာရေးသူမှတ်ချက်
ကျွန်တော်၏ သူငယ်ချင်းမိတ်ဆွေများ အိမ်ထောင်ပြုကြတော့မည်ဆိုလျှင် သိသင့်သည်များကို သိရှိ နားလည်နိုင်ရန် " ဓမ္မဗျူဟာ စာစောင် " ထဲမှ ထုတ်နှုတ် ရေးသားထားပါသည်။ အိမ်ထောင်ပြု ကံ ကောင်းနိုင်ကြပါစေ...
